Davao City- Human sa sunod sunod nga mga report kalabot sa anak nga gipangabuso o gipanglugos sa ilang kaugalingon mga kadugo o pamilya gipakusgan pa sa Quick Response Team for Children’s Concern (QRTCC) sa City Social and Services Dvelopment Office ang ilang adbokasiya batok niini.
Sumala ni QRTCC head Juenalyn Pablo, way undang ang ilang pagpahibalo diha sa komunidad nga isumbong dayon o i itawag sa ilang buhatan kung dunay mga abuso diha sulod sa mga panimalay.
Segun ni Pablo sagad hinungdan sa insidenteng lugos diin pamilya mismo ang mga akusado tungod dunay kapabayaan ang mga ginikanan sa mga bata, ang amahan naka droga o lango sa mga ilimnong makahubog. Gilantaw sab nga usa sa mga hinungdan usa lamang ang tulganan sa maong pamilya.
Gipakusgan sab sa QRTCC ang ilang mga programa sama sa parenting, child sexual abuse prevention ug ginapahibalo sab nila nga ang mga bata amumahon, panggaon ug dili kini pasakitan ug abusuhon.
Giawhag ni Pablo ang publiko nga tabangan sila nga maluwas ang mga giabusong mga bata pamaagi sa pagreport sa ilang buhatan.
Kasamang Aimee Guinita
