Sa interbyu sa DXDC RMN Davao kang Lynne Dollolasa, Municipal Disaster Risk Reduction and Management Office (MDRRMO) Officer gibutyag niya, natunolan na og ayuda gikan sa national government ang anaa sa 654 ka pamilyang apektado sa linog.
Sa datos, as of March 8, 2023, anaa sa 456 ang partially damaged ug 323 totally damaged nga balay ang natala gikan sa 11 ka mga barangay sa maong lungsod.
Nakatunol na ang Department of Social Welfare and Development (DSWD) og 500 food packs sa mga biktima. Samtang, nagpadala usab ang Office of the Civil Defense (OCD-XI) og 70 ka tents ug 70 ka hygiene kits alang sa mga apektadong pamilya.
“Wala sa ‘ta nag-procure ang resources para sa atong relief distribution kay naa pa man ang gikan sa atoang national government ug sa Regional DSWD. Pero gina-prepare nato ang possible nga ayuda alang sa atoang mga katawhan human niining tanan,” sulti ni Dollolasa.
Kagahapong adlawa, Marso 8, 2023 sa dihang gipailawom ang New Bataan sa State of Calamity tungod sa epekto sa maong kusog nga linog, diin padayon usab nga nasinatian sa lugar ang sunod-sunod nga mga aftershocks.
RadyoMaN Kirby Manzon
