Davao City – Daghang mga kawsa kun factors angay ikonsidera ug dili lamang ang kakulang sa produksyon sa gatas-mainom kung nganong daghang mga kabataang Pinoy gitawag nga ‘bobo.’
Sumala ni Davao City National High School (DCNHS) Principal Wenifredo Cagape, contributory factors naglakip sa klase sa environment nga gidak-an og boot sa bata, family background, barkada, preparation sa estudyante alang sa mga eksaminasyon ug uban pa nga naka-apektar sa overall academic performance sa mga bata.
Giklaro usab ni Cagape nga dili simleng gatas ang hinungdan tungod kay ang gobyerno karon nagkampanya man alang sa pagpromotar sa breastfeeding kun pagpa-dede sa mga inahan sa ilang anak aron mamahimong baskog ang kabataan.
Gipasabot usab ni Cagape nga usa sa nakita niya kung nganong niubos ang ‘quality of education’ sa nasod mao ang preparasyon sa bata sa pagtungha ingon man ang kalidad sa eksaminasyon mismo.
RadyoMan Bernard Pantallon
