Davao City – Nangayo karon og koorperasyon ingon man pagsabot ang kadumalahan sa Sasa wharf ning syudad sa Davao labot sa ginapatumang quarantine checkpoint patabok sa Island Garden City of Samal (IGaCos), Davao del Norte gumikan sa African Swine Fever (ASF).
Sa interbyu sa DXDC RMN Davao kang Felix Arboleda, manager sa Sasa Wharf ning syudad sa Davao, gibutyag niini nga ubay-ubay na sab ang mga nakumpiskang mga gibawal sama sa pork products o bisan kadtong luto nang daan nga karneng baboy gikan sa mga pasahero.
“Naa gyoy nakumpiska atong kapulisan diri nga na-assigned sa wharf. Naa gyud silay na hold nga mga processed na nga mga pagkaon basta baboy. Dili gyud pwede nga magdala didto sa area sa Samal,” saysay ni Arboleda.
Una nang gimando sa Local Government Unit (LGU)-IGaCoS ang temporary lockdown sa pagpasulod ingon man pagpagawas og binuhing baboy aron kalikayan ang pagsulod sa ASF sa lugar.
RadyoMaN Kirby Manzon
