Quarantine ginapatigayon sa Bacolod kontra bird flu

BACOLOD CITY, NEGROS OCCIDENTAL – Nagpahamtang na karon sang apat ka mga quarantine officials sa BREDCO port diri sa ciudad sang Bacolod agud nga hugot mahandaan ang bird flu nga indi makasulod sa probinsya sang Negros Occidental.

Ini nga mga quarantine officials ang nagikan sa Bureau of Animal Industry kag ang ila mangin trabaho amo ang pag-check sang sitwasyon sang mga poultry products partikular na ang mga manok nga naga-gwa sulod sa Bacolod.

Apesar sini, ginklaro ni City Veterinarian Dr. Maria Agueda Trinidad dela Torre nga kontrolado na sang gobierno ang sitwasyon sang bird flu sa Luzon kag ang ila ginahimo ang kabahin lamang sang precautionary measures kasunod nga indi gid man tuman ka daku ang industriya sang manok sa Bacolod kag Negros.


Suno sa City Veterinarian nga locally-produced gid lamang ang ginakonsumo nga manok sang pumuluyo sa ciudad sang probinsya.

Nahibaluan nga ang poultry products ang naghalin sa ciudad sang Talisay, Bacolod kag banwa sang Murcia.

Sa Dumaguete City kahapon, nilibo ka ‘balut’ ang ginlubong sang Department of Agriculture matapos nga ginsurender ini sang isa ka consignee. Ang amu nga mga ‘balut’ ang gikan sa Pampanga nga didto naman naghalin ang bird flu virus./dyHB BACOLOD

Facebook Comments