Davao City – Hugot nga magmonitor ug magbantay ang Barangay Health Emergency Response Team (BHERT) sa tanang mga giabisohang mopailawom sa 14-day home quarantine.
Sa interbyu sa DXDC RMN Davao kang Davao City Councilor Mary Joselle Villafuerte, Committee on Health Chair, mag-atubang og silot nga pagkapriso sulod sa 6 ka bulan o pamultahon og 5,000 ka pesos, ang mga malapason subay sa napasar nga ordinansa.
“We are that this ordinance will become a deterrent kanang mahadlok na ang tao, hala kay naa na diay bayaran dayon ug naa nay imprisonment posible kasuhan ko, mapriso pa gyod ko. Mas maayo nga atoang hunahunaon na ang 14-day home quarantine is for you para na sa imo, para safe ka, safe imong mga pamilya ug safe ang imong mga loved ones,” segun ni Councilor Villafuerte.
Matud ni Villafuerte, tanang residente sa dakbayan lakip na ang mga dili residente nga giabisohang mag-quarantine nunot sa COVID-19 subay sa maong ordinansa.
Laumang sa Setyembre, hingpit kining mapatuman kung wala nay amendasyong himoon pa sa maong ordinansa.
RadyoMaN Aimee Guinita
