By: Edgar T. Dagumo
Pres. M.A Roxas,Zamboanga del Norte- Giangkon ni Atty. Jan Hendrik Vallecer mayor sa lungsod sa President Manuel A. Roxas Zamboanga del Norte nga dili tanang pagbaha sa tubig ang hinungdan mao ang pag quarry.
Kini ang reaksyon ni mayor Vallecer human nag alboroto ang mga katawhan sa barangay Galukso sa maong lungsod tungod sa dakong pagbaha nga ilang nasinate niadtong 27 sa Desyembre 2017 nga ubay-ubay nga mga kabalayan ang gianod apil na usab ang ilang mga kahayopan.
Nahinabi sa DXDR RMN Dipolog ang mga katawhan sa maong barangay ug hilabihan ang ilang kasuko sa nagpasiugda sa maong quarry ug maoy ilang gitumbok nga hinungdan sa dakong baha nga apektado mosubra sa 150 ka mga pamilya ug mianod sa pipila ka mga panimalay.
Ang barangay Galukso adunay halapad nga suba ug adunay proyektong gitukod nga Industrial Sand and Gravel (ISAG) ni Mr. Ryan Vincent G. Adaza nga naghupot ug Environment Compliance Certificate (ECC) gikan sa Environmental Management Bureau (EMB) DENR Region IX gi-issue niadtong June 09,2015 ug tungod niini sulod gawas ang mga dagkong ekwipong dumptuck kargahanan sa mga balas ug grabas gikan sa maong suba.
Ingon pa sa mga apektadong katawhan nga sukad adunay quarry sa ilang barangay nagsugod na usab ang makusog nga pagbaha ug paglanap sa tubig ug tungod niini hugtanon nga ilang gibabagan karon ang pagsulod sa mga dumptruck aron makahakot pa ug mga balas ug grabas.
Sa interview sa DXDR karong buntag sa Straight to the Point kang Mayor Vallecer iyang gipasabot nga gamay lang nga walay pagkasinabtanay ang nahitabo karon diha sa maong barangay kay sigon sa iyang obserbasyon ug nakita nga dili tanang nag quarry maoy hinungdan sa mga pagbaha ug paglanap sa tubig.
Nagkanayon pa siya nga dako ang gikatabang sa quarry paghakot sa balas ug grabas diha sa iyang lungsod kini tungod kay ang lungsod sa Roxas gitabas kini sa daghanang mga halapad nga suba lamang nagka mabaw na kini. Ang pagpalawom sa mga kasubaan pinaagi sa pagkalot sa mga balas ug grabas makatabang aron dili na molanap ang tubig nga maapektuhan ang mga nanimuyo niini.
Hinoon isip tubag sa panawagan ug yangongo sa mga residente sa barangay Galukso gipasalig niini nga kasamtangan nga iyang ipaundang ang pag quarry sa barangay Galukso.
Punto ug Opinyon:
Uyon ba mo sa gipahayag sa Mayor nga dili ipasangil ngadto sa nanag quarry nga maoy hinungdan sa pagbaha ug paglunop? palihog sa inyong komentaryo sa comment box.
