6 maga casa el totalmente ya raza na fuego, mientras 5 el partially damage durante el un grande quema que ya ocuri pasao alas onse y medya del sabado noche na purok 5, barangay Aguada na ciudad de Isabela.
Na report di RadyoMaN Richard Falcatan, asigun kun James Ibanez, Kapitan del Barangay Aguada na un kwarto del casa del un retirao police si Muhadi Ahmad ya orihina el fuego asta ya man kamang este na maga vecinos casa.
El Bureau of Fire Protection na ciudad de Isabela City ya abla kay base na diila initial investigasyon ta aparece kay porcausa na abandonao candela el p0sible causa del kema.
El kema ya principia kwantos minutos despues experiencia total blackout na entero ciudad. Nuay el quien ya desgracia durante el kema.
El Barangay Council del Aguada ya abla kay base na diila chekyada ta aparece que 15 maga familia el ya sale affectao.
Mientrastanto el alcalde del ciudad de Isabela Al-Qaid Akbar ensiguidas ya ordena con el City Social Welfare Office para extende immedietamente assistencia na forma de komida para con el maga affectao familia.
Maga affectao familia el temporariamente ta esta con el diila maga serkanos maga parientes na mencionao Barangay.
