Un grande incendio ya déjà P3 million destroso na Market Site, Curuan del Sabado por la noche.
El quema asegun ya prinsipia na casa del familia Pagotaisidro y ya man calayat na maga tienda y maga caserias.
El quema ya alcansa na 4th alarm porcausa con el grandor y anchor del lugar donde ya rasa el fuego.
Maga water truck desde el diferentes fire station el ya responde na lugar donde banda alas 10:45 ya del noche ya puede controla con el fuego.
El bumbero y pulis ya habla total de 50 maga tienda y 15 maga casa el ya man uput na fuego pero nohay reportao tiene el ya sale irido.
El maga afectao residente ya tene que evcua temporaryamente na cuantos facilkidad del barangay donde el maga barangay official y el de DSWD amo quien canila ya atende y ya dale cuantos maga necesidades.
El bumbero ta precura pa sabe si cosa el causa del insendio.
