Davao City – Buot matud pa nga makaatubang ni Kingdom of Jesus Christ (KJC) Pastor Apollo Quiboloy sa presidential debate si Manny Pacquiao human miansunsyo na ang senador nga mudagan kini pagkapresidente sa 2022 National Elections.
Sa pamahayag ni Quiboloy sa programa niini sa KJC Compound, Davao City, giluwatan niini mapugos kining mudagan pagkapresidente kung pagbuot usab sa Ginoo aron nga makaatubang niini ang senador nga daw milikay ug wala nitubag sa iyang hagit nga private-public debate.
“Mapipilitan talaga ako. Kasi ang taong ito (Manny Pacquiao) hindi humarap sa akin sa debate. Maraming isyu ang gusto kong ilantad sa kanyang harapan. Naduwag siya at hindi humarap sa akin sa hinamon kong debate. Hanggang ngayon ang hamon kong iyon ay nagpapatuloy,” sulti ni Quiboloy.
Matud ni Quiboloy nga aduna usab kini mga plataporma ug wala kini nahadlok bisan og wala kini partidong giapilan sa umaabot nga piniliay.
“May platform din ako. Sana hindi ako ide-declare na nuisance candidate kasi may meron akong kakayahan mas higit pa sa inyo. Kahit wala akong partido, Dios ang partido ko,” dugang niini.
Una niini, nag-file si Pacquiao og P100M libel ug cyber libel case batok kang Quiboloy tungod sa alegasyong kurapsyon sa proyekto niini sa Sarangani diin mituo ang religious leader nga pamulitika ang maong lakang sa ‘boxing senator’.
RadyoMaN Kirby Manzon
