Davao City – Gihimakak sa kampo ni Kingdom of Jesus Christ founder nga si Pastor Apollo Quiboloy ang alegasyong pagpadagan matud pa niini og “child sex ring”.
Base sa ka news department sa Hawaii nga ang maong alegasyon nag-gikan sa usa ka Kristine Angeles, kanhi follower ni Quiboloy diin matud pa biktima sa alegasyong sexual assault.
Apan sa pakighinabi sa DXDC RMN Davao sa abogado kun legal counsel ni Quiboloy nga si Atty. Israelito Torreon, gilimod sa kampo ang maong alegasyon ug buot lang gihapon dut-on ug dauton ang simbahan gani iya usab giingon nga aduna kunoy nagpaluyo nga rival church organization sa nasangpit nga akusasyon.
Dugang ni Torreon nga ginaplanuhan usab nila ang pagpasaka og kasong libel batok sa kanhi miyembro sa Kingdom of Jesus Christ bahin sa pagpakatag og mga dili tinuod nga impormasyon.
RadyoMaN Renz Barbarona
