Davao City – Dakong responsibilidad ang pagtagana kang kanhi Davao City administrator Jesus Melchor Quitain isip Officer-in-Charge sa Office of the Special Assistant to the President (OSAP).
Sumala ni 18th City Council Majority Floor Leader Councilor J. Melchor Quitain Jr., isip anak niini, nalipay siya sa maong anunsyo ug gipaniguro nga kaya matud pa sa iyang amahan ang dakong responsibilidad bisan og wala na kini nagkabata.
“For me its like a medicine to him – when you give him work mas makusgan pa siya,” segun niini.
Saysay niini, dili susama kang kanhi SAP Bong Go ang buhaton sa iyang amahan diin kinahanglan niini mokuyog sa mga lakaw sa presidente sanglit nasayod siya nga mas functional iyang amahan kung anaa kini sulod sa opisina.
Pagpaklaro ni Quitain, designated lamang sa maong posisyon ug dili appointed ang iyang amahan diin pasabot dugang responsibilidad kini gawas sa pagka opisyal sa gobyerno niini.
RadyoMaN Jason Amisola
