Davao City – Padayong ginaimbestigahan sa kapolisan sa Sta. Ana ang nahitabong vehicular accident niadtong adlawng Dominggo sa may dalang R. Castillo kun aduna bay nahitabong drag race resulta sa pagkapatay sa anak ni Kapitan Romeo “Bokay” Evangelista nga si Dave Evangelista.
Sa gihimong pakighinabi sa DXDC RMN Davao ngadto kang Sr.Police Officer 1 Ruel Desoyo ang Chief investigator sa Traffic Section sa Sta Ana PNP nga nagpaabot na lang sila sa pamilyang Evangelista kun mupasaka ba og kaso batok sa driver nga si Zaren Reigh Blanca Melgazo.
Giingon ni Desoyo nga magduha ka adlaw na una paman nahitabo aksidente ug wala pay pamilya sa biktima nga midangop sa buhatan sa traffic investigation section.
Gikanayon ni Desoyo kun dunay complainant mamahimong mapasakahan og kasong reckless imprudence resulting to homicide and damage property batok sa driver apil ang tag-iya sa sakyanan nga nakabangga.
Samtang mihatag og pamahayag ang igsuon sa kapitan nga si Larry Evangelista human nahinabi sa news team sa RMN Davao nga ila unang ipahiluna ang patay’ng lawas ni Dave gani sa karon gihaya na ang patay’ng lawas sa biktima sa Brgy. Lapu-Lapu ug wala pa kini gihatag nga adlaw kun kanus-a ilubong.
RadyoMaN Don Pulayao
