Sa interview sa DXDC RMN Davao kang Panacan Brgy. Captain Doce Apostol, gibutyag niini, nagpadayon ang gihimong hearing sa iyang Barangay tali sa duha ka grupo. Segun ni Apostol, niadtong September 14 ning tuiga, wala sila ma-areglo sa unang hearing.
Gipasabot sa opisyal nga adunay prosesong sundon ang paghusay sulod sa 45 days, apan kung dili ma-areglo, mag-isyu na og Certification to File Action (CFA) ang Barangay aron magpasaka og kaso.
“First hearing pa man gud, ana man gyud na, dili pa magkasinabot ug waka ta kabalo sa second hearing o unsay improvement o update sa ilang hearing kun magkasibot ba o dili…’’ saysay ni Kap Apostol.
Kahinumduman nga nag-viral sa social media ang nahitabong road rage sa R. Castillo, Agdao human nagka-tensyon ang driver sa kotse ug rider nga mibunal sa iyang helmet sa sakyanan.
RadyoMaN Don Pulayao
