Davao City – Gipusil-patay sa wala mailhing mamumuno ang usa ka radio commentator nahitabo alas-10:35 Miyerkules sa gabii sa syudad sa Kidapawan.
Giila sa kapulisan ang biktima nga si Eduardo Dizon, anchorman, residente sa Makilala, Cotabato.
Nasayran sa gipagulang impormasyon sa National Union of Journalists of the Philippines, nibyahe pauli ang biktima human sa programa niini diin pag-abot niini sa Quezon Boulevard duol sa Colegio de Kidapawan gipaulanan kini og bala sa wala mailhing riding in tandem.
Nakaiagom og lima ka samad pinusilan si Dizon nga miresulta sa iyang hinanaling kamatayon.
Saysay ni Kidapawan chief of police Lt. Col. Maria Joyce Birrey nga pipila ka adlaw una sa kamatayon sa biktima, nagpatala na kini sa kapulisan nga nakadawat og mga pagpanghulga gani mihatag og ideya sa mga imbestigator sa posibleng nagpaluyo niini.
Si Dizon nahimong bise-mayor sa Makilala ug nagpapili isip municipal councilor niadtong May 2019 elections apan wa nakadaog.
RadyoMaN Jason Amisola
