Muling nanguna ang broadcaster na si Raffy Tulfo sa senatorial survey ng OCTA Research na isinagawa noong Abril.
Batay sa Tugon ng Masa Survey ng OCTA, nakakuha si Tulfo ng 63 percent preference votes.
Sinundan siya ni DPWH Sec. Mark Villar na may 55 percent at Antique Representative Loren Legarda na may 51 percent.
Pasok din sa survey sina Senator Miguel Zubiri na may 49 percent; Sorsogon Governor Chiz Escudero na may 46 percent at Robin Padilla na may 44 percent.
Nakakuha naman ng 40 percent si Taguig Representative Alan Peter Cayetano; 39 percent si Senator Win Gatchalian; 36 percent si Senator Joel Villanueva at 33 percent si dating Senator Jinggoy Estrada.
Kapwa naman nakakuha ng 31 percent sina dating Senator JV Ejercito, Senator Risa Hontiveros at dating Vice President Jejomar Binay.
Isinagawa ang survey noong April 22 hanggang 25 sa 2,400 botanteng respondents edad 18 pataas at mayroon itong margin of error na ±2%.
