Otro ya tambien drug den el ya puede bunca el maga agente del Philippine Drug Enforcement Agency na ciudad.
Este vez el drug den ya descobri el PDEA na Flamingo, Upper Calarian donde sinco maga personajes tambien ya sale arestao y ya confisca shabu.
Asegun con Laurefel Gabales, PDEA Regional Director III, ya conduci una buy-bust el su maga personajes conel maga suspechao y cuando ya tene ya cambiajan de marked money y shabu, alya ya encercula sila con el lugar.
Durante el raid, arestao el sinco maga suspechao quien aquel tiempo adentro del drug den y canila ya conose como el maga seguiente; Aliakbar Sakandal y Yusop, alias Dik-Dik, Nestor Amilasan y Badua, (drug den maintainer), Ronald Flores y Tan alias Tots, Arnold Quiriones y Pilar y Leopoldo Guevarra y Molina.
Ya confisca desde canilael 14 maga paquete de shabu tiene el pesades de 10 gramos con valor de P68,000, maga drug paraphernalia y P500 marked money.
Con el maga arestao ya detene na PDEA headquarter pendiente el plantada de caso na corte. Acordando, cuantos ya maga drug den el ya puede bunca el PDEA donde dos del maga drug den ya descobri na Camino Nuevo.
