Arestado ang dating pulis ARMM at bayaw nitong driver sa search warrant operation sa Crossing Simuay , Sultan Kudarat Maguindanao pasado alas dose ngayong tanghali.
Pinangunahan ni CIDG ARMM Director James Logan kasama ang SK MPS at 37th IB ang operasyon sa tahanan ni Datu Allan Esmael at doon bumulaga ang samot saring baril , bala at mga police uniforms.
Nagpapatuloy ang inventory ng mga otoridad kung anung uri ng mga armas ang nakumpiska mula sa nagpakilalang AWOL na pulis.
Iginiit naman ni Esmael na “HIRAM” lamang aniya ang lahat ng mga baril na nakumpiska bilang depensa sa nararansang tensyon sa kanilang lugar.
Dalawang beses na aniya itong hinarass ng mga di natukoy na mga armado kung kayat napilitang mag-armas.
Kasalukuyang nasa custody na ito ng CIDG ARMM kasama ng kanyang bayaw na driver na kinilalang Suharto.
