Muerto el un miembro del drug syndicate mientras unu ya sale arestao durante el raid ya conduci el pulis na Menzi, Isabela City del Lunes tarde.
El pulis ya nombra con el muerto como si Alpahad S. Hj. Hadi de Sapahbulak, Sumisip, Basilan.
Con el arestao ya conose como si Ismael Mukahlul Daggong, 27, casao de Barrio Militar Aguada, Isabela City.
Mientras el diila target del raid si Uring Aliyarin Akil quien tiene pendiente warrant of arrest de droga ya puede escapa.
Alas 2:50 del tarde cuando el maga pulis ya apunta na casa di Akil para sirvi el su warrant of arrest pero ya imbisti el deste grupo pormedio de supla de tiro con el maga pulis que ya resulta na tirajan.
Si Hadi ya muri on the spot mientras con Daggong ya puede aresta el maga pulis.
Maga pulis ya recobri shabu y 9mm ingram submachinegun na lugar del encuentro.
