Calaboso el dos barangay tanods despues ya conduci raid el maga pulis y maga soldao na diila casa y ya confisca pusil, explosive y maga bala na Taluksangay enantes aga.
Con el maga arestao ya conose como canda Sagumbahar Sagumayan Akbar, 34, casao y si Samandi Tutuh Imbas, 55, casao ambos maga tanods del mismo lugar na Purok 6.
Maga otoridad ya confisca na casa di Akbar el M4 Carbine rifle, .45 calibre pistola, 9mm pistola, todo tiene maga bala y un rifle grenade.
Mientras na casa di Imbas maga el grupo ya recobri dos litro ta contene ammonium nitrate fuel oil (anfo), time fuse y un .45 calibre pistola.
Maga pulis y maga military ya conduci el raid llevando el serach warrant ya ya hace sale el Regional Trial Court na violacion del Acto Republica 10591.
Con el maga arestao ya detene na estacion del Culianan pendiente el plantada de caso na corte.
