Ya puede escapa el un suspechao drug pusher durante el raid ya conduci el maga pulis na su casa na Purok 2, Sinunuc enanates del mas temprano.
Cargando el search warrant el maga pulis del Sinunuc Police Station ya encabesa si Major Hazel Fernandez ya encercula sila con el casa di Angkih Nuh y Naid enantes madrogada.
Pero asegun con el pulis nohay na casa si Nuh aquel hora pero ya puede encontra el maga pulis con el 18 paquete de shabu y un calibre 45 pistola con dos magazines y tiene 13 maga bala.
El maga shabu ya entrega na PNP Crime Laboratory mientras con el pusil ya pone baho na bakistic test.
Maga pulis ta prepara ya el dos caso que ay planta con Nuh na corte.
Facebook Comments
