General Santos City—kritikal ang kondisyon sa usa ka 20 anyos nga empleyado human nga nadunggaban atol sa nahitabong rambol sa duha ka grupo sa mga kalalakin-an gawas sa explore bar nga nahimutang sa Lagao-Bula Road, Barangay Bagao Gensan, ala 1:00 ang takna sa kabuntagon, Domingo, July 9, 2017.
Ang biktima nailhang si Boby Balsomo, 20, residenti sa Prk. Malipayon, Barangay San Isidro Gensan.
Subay sa initial nga imbistigasyon sa Police Station 3, nasuta nga nag inum ang biktima uban sa iyang mga Clan Mate nga miyembro sa NGFTC Clan sulod sa Explore Bar. Usa sa iyang Clan mate ang nakalalis ang usa ka lalaki nga nag inum usab sa pikas nga lamesa.
Pag gawas sa mga nahisgutan sa maong bar didto na nahitabo ang rambol kung asa nadunggaban ang biktima igo sa nagkandaiyang parti sa kalawasan.
Paspas nga misibat ang mga suspek samtang ang biktima gidala sa SOCKSARGEN Hospital ug kasamtangang anaa sa kritikal nga kondisyon.
Sa karon padayon pa ang gihimong imbistigasyon sa Police Station 3 kalabutan sa maong kaso ug ginasuta pa ang mga suspek nga naka-engkwentro sa grupo sa biktima.
tags: Rmn Gensan, Estacion tres, GSCPO, Gensan, Bryan OƱate, Inah Daven
