ILOILO City – Gin-disqualify sang tournament manager ang coach, assistant coach kag ang lima ka players sang team Negros sa football – secondary level.
Ini matapos gintapungol sang coach ang referee sa championship game sa tunga sang team Negros kag team ILoilo.
Ginkilala ang mga gin-disqualify nga sanday Ian Combate – coach sang team Negros sa football- secondary, assistant coach nga si Christopher Valderama kag ang lima ka mga players nga ginalakipan sang Team Captain, Goalkeeper, kag 3 ka footbal players sang team Negros.
Suno kay Dep-Ed 6 Spokesperson Dr. Lea Belleza, nadesisyunan sang komitiba nga i- expel ang mga natungdan kag indi na makapasakop ang mga ini sa masunod nga hampang.
Samtang, ginpahayag ni Belleza nga nakadepende sa madesisyunan sa pagsinapol subong nga adlaw kon ideklara nga kampeon ang team Iloilo sa football secondary level./// Photo ctto
