Mas ta omenta ya el maga caso de robo na maga lugar baho na areas of jurisdiction del Sta. Maria Police Station.
El mas reciente incidente de robo amo na dos casa na Lower Cabatangan donde maga lardon monton maga cosas valuable y dinero ya saca desde na dos casa del Lunes por la noche.
Base na cubrida del RMN Zamboanga na mencionao estacion desde anio 2019, ta aparese rampante el maga incidente de robo na maga casa, hold-up, carnap del maga motorsiclo hasta maga snatching.
Pero ta aparese ta tormenta el maga pulis controla con este maga incidente donde cuantos maga robo ta sosede apiqui solamente na estacion del pulis.
Notable este maga incidente ya principia desde ya cambia con el jefe del estacion hasta ya queda ya rampante.
Ayer mismo el City Director si Colonel Thomas Josepg Martir ya bisita na estacion para chequia maga incidente que ta sale registrao.
