Davao City – Nilusad og random bus boarding operation ang Task Force Davao sa mga pampublikong bus silbing aksyon subay sa nahitabong IED attack sa Tulunan, North Cotabato ug sa mga nadawat nga extortion threats sa mga bus companies.
Sa interbyu sa DXDC RMN Davao kang Task Force Davao Commander Col. Consolito Yecla, gibutyag niini ang ilang bag-ong scheme aron masigurong dili makalusot ang mga terorista nga buot mamutang og ekplosibo ang mga bus.
Nag-establisar og temporary checkpoint ang kasundaluhan sa boundary sa Sta. Cruz, Davao del Sur. Matud ni Yecla, nag-deploy og mga personahe nga mosakay sa bus aron magpahimangno sa mga pasahero kalabot sa mga unattended baggages o mga kagamitan.
Gimandoan ni Yecla, ang kasundaluhan nga siguraduhon nga kutob sa border sa checkpoint sa Davao nga walay mabiling mga unattended nga kagamitan ug mopailawom sa inspeksyon ang mga pasahero.
“We also design a speaker warning the passengers nga ang pagbilin og bagahe sa bus kay violation sa atong anti-unattended baggage policy na punishable up to P5,000 na penalties. Iyon ang ating bagong scheme to ensure ang mga terrorists hindi magkaroon ng pagkakataon na mag-plant ng mga IEDs na pumapasok sa Davao,” sumala niini.
Sa checkpoint, tanang pasahero kinahanglang dad-on ang mga bagahe aron ma-inspect kini sa x-ray baggage machine ug sa uban pang mga procedures sama sa metal detector, facial recognition. Mopailawom usab ang mga byahero sa health screening sa thermal scanners nga himuon sa taga-City Health Office.
Matud ni Yecla sa border control checkpoint ang mga adunay sakit, tigulang, buntis o mga adunay dalang gagmay nga bata mamahimong dili na munaog sa bus apan kinahanglang ma-check ang mga bagahe.
Gitahasan usab ang mga drivers ug konduktor nga inspeksyunon ang ilang mag bus units kung adunay mga unattended baggages ug gidili ang pagpasakay og mga un-inspected o bug-at nga mga items alang sa seguridad.
RadyoMan Aimee Guinita
