Davao City – Giangkon karon ni kapatagan Brgy. Kapitan Juanito Morales nga sulod sa 30 ka tuig ang nilabay wala pa gayud maangkon sa mga biktima sa Rano massacre ang hustisya.
Atol sa ika 30 nga komemorasyon sa Rano massacre gipanawagan ni Kapitan Morales sa Department of Justice nga taralon ang mga nailhang miembro sa New People’s Army nga responsable sa pag massacre sa 39 ka mga sakop sa UCCP niadtong Hunyo 25, 1989.
Gisaysay ni Morales ang kapait nga ilang nasinatian panahon nga ginahasi pa sa mga komunistang grupo ang katawhan sa Sitio Rano, Brgy. Binaton, Digos City.
Nagtuo sila kaniadto nga nakalimtan na sila sa gobyerno rason nga labihang pagpasulabi sa mga komunista pinaagi sa pagpangayo ug suporta sa kalihukan pinaagi sa kwarta ug konsumo nga nakapasamot sa kalisud sa ilang kahimtang.
Apan mapasalamaton si Morales nga tungod sa kinabuhi sa mga biktima napukaw ang atensyon sa gobyerno nga adunay katawhan sa Brgy. Binaton nga angay hatagan ug pangkalamboan nga aspeto pinaagi sa karsada, suga ug uban pang batakan panginahanglan nga maoy susi sa kahusay ug kalinaw.
RadyoMaN Erin Lumosbog
