Davao City – Wala pay gitudlo nga suspect ang Calinan Police Station sa pag-ransack sa establisemento sa Calinan, Davao City niadtong alas 4:30 sa kadlawon August 9, 2023 segun sa Davao City Police Office (DCPO).
Sa interview sa DXDC RMN Davao kang Police Captain Hazel Tuazon, Spokesperson sa DCPO gibutyag niini, subay sa pag-imbestiga sa Calinan Police Station walay CCTV Camera nga gimuntar sa maong lugar.
Segun ni Tuazon, dili pa maistablisar kung inside job kay walay nakakita sa maong hitabo, samtang tag-iya sa maong establisemento nakigkoordinar na usab sa kapulisan sa nagpadayong imbestigasyon.
“Ok raman ang tag-iya nga satisfied naman nga giconduct nga investigation og wala pay matudlo nga suspect”,sulti ni Tuazon.
Nahinabi usab sa DXDC RMN Davao news team, si alias ‘Tata’ trabahante sa maong pamatigayon, nakuha sa wala mailhing suspetsado ang P5,000 nga sensilyo ug una kini nga higayon nahitabo.
RadyoMaN Don Pulayao
Facebook Comments
