Dipolog City – Prisohan usab ang gisangkoan sa upat ka mga batan-on lalaki apil na niini ang usa ka minor de edad human nadakpan sa follow-up operation sa Dipolog PNP nga maoy responsable sa pagransack sa Principal’s Office sa Sicayab Elementary School, Brgy. Sicayab ning dakbayan sa Dipolog.
Ang nangadakpan sa kapolisan naila nga sila si Leo Mar Avila, 21 anyos, John Eric Chua, 20 anyos ug Reuben Martinez, 26 anyos, laing pang 15 anyos nga bayong bayong kinsa polos lumulopyo sa Purok Riverside, Brgy. Bucana Sicayab sakop sa dakbayan sa Dapitan
Nasayran bandang alas 8;00 sa miaging buntag ang maintenance worker sa Sicayab Elementary School nga si Jemma Torres maoy naka diskobre nga giransak ang Principal’s Office hinungdan gidayon gireport sa buhatan sa kapolisan.
Ang niresponding mga pulis, gisubay ang kuha sa CCTV camera nga gi-instalar sa barangay sa maong dapit ug didto narecord ang actual nga pagransak sa maong opisna.
Sa kuha sa CCTV camera, nakita ang mga batan-on maoy niguba sa padlock sa entrance nga poltahan sa Principal’s Office human nakasulod gisakawat ang computer monitor sa principal’s office nga mao usab ang gigamit nga monitoring sa CCTV camera sa maong eskwelahan, dayon gawas sa poltahan.
Sa laing kuha sa CCTV sa barangay naila ang 15 anyos diha naghulat sa waiting shed daplin sa dalan tapad ang usa ka Rusi Motorcycle kolor itom ug orrange nga maoy gisakyan sa mga suspek sibat palayo sa dapit.
Atol sa gihimong follow-up operation malampuson naaresto ang mga bantan-on ug nakuha ang motorsiklo nga maoy gisakyan sa pagpangawat.
