ILOILO – Ginhimuslan sang isa ka 12 anyos nga bata nga lalaki ang lima ka tuig nga bata nga babaye sa isa ka banwa sa probinsya sang Iloilo.
Natabu ang insidente sang nagligad nga Miyerkules matapos gintawag sang suspek ang biktima nga magsulod sa ila balay kag didto ginhimo ang paghimulos.
Suno sa panaysayon sang iloy sang biktima nga nagpauli nga nagahibi ang bata kag sang iya gin-usisa, nanugid ini sang ginhimo sang suspek nga pakaduha man lamang sang biktima.
Gilayon naman nga ginpa-blotter sang iloy sa ila barangay ang natabu sa bata kag ginpa-check up sa health center kon sa diin nakita nga may pilas ini sa kinatawo.
Yara na sa Women and Children Protections Desk (WCPD) sang natungdan nga banwa ang kaso kag ginakonsiderar nga mapaidalum sa rehab ang 12 anyos nga suspek.
Ginpahayag nga posible nakalantaw sang adult film ang suspek nga mahilig mag-internet nga nagtulod diri agud himuon ang paghimulos sa biktima. /// Photo from web
