Gisikop sa kapulisan sa El Salvador City Police Station ang usa ka trisikad driver nga wanted sa kasong pagpanglugos.
Kini ang gibutyag ni Police Supt. Randy Anito, Acting Chief of Police sa El Salvador City Police Station.
Matud ni Supt. Anito nga ang suspek mao ang 54 anyos nga si Dante Palasan, minyo ug taga Zone 4, Sitio Bunga, Poblacion, El Salvador City, Misamis Oriental.
Gisikop si Palasan mga alas 10:30 kagahapon sa buntag sa Zone 3, Barangay Poblacion, El Salvador City.
Wala na gitugutan sa korte nga makapiyansa ang suspek tungod sa warrant of arrest nga gi-isyu ni Hon. Richard Mordeno, Presiding Judge sa Regional Trial Court, Branch 22 ning syudad sa Cagayan de Oro.
Facebook Comments
