Atol sa AFP-PNP press conference gahapon, July 24, 2024, gibutyag ni DCPO Spokesperson Police Captain Hazel Tuazon nga adunay 41 rape cases sulod sa lima ka bulan, mas ubos kumpara sa susamang bulan sa nakalabay nga tuig.
Sagad matud pa nga rape victims nag-edad 11 ngadto 17 anyos ug ang mga suspect, kapamilya o kaila ra sa biktima. Maong doble ang paningkamot sa DCPO karon kaalayon ang mga barangay aron mas mukunhod pa ang maong krimen pag-abot sa Disyembre.
“Dili ni pwede nga incident nga pwede rata manghimasa kay nakatatak na na nga murag tattoo sa biktima. Dili ni gusto sa atong acting city director. Mao ng atong mga WCPD sa matag stations sa DCPO nga dapat hingusgan pa nila ang kampanya nga kung dili man maundang, at least mugamay ang rape cases sa Davao City,” segun ni Tuazon.
RadyoMaN Ivy Parido
