Davao City – Mapasalamaton ang Davao City Police Office (DCPO) sa lokal nga panggamhanan ingon man sa kooperasyon sa kabarangayan aron masugpo ang kriminalidad sa dakbayan.
Atol sa AFP-PNP Press Conference, gibutyag ni DCPO Spokesperson Police Captain Hazel Tuazon nga gipakusgan nila ang monitoring karon sa kabatan-unan tungod nag-una gihapon ang rape sa mga krimen nga natala sa syudad.
Apan gipasabot nga dili na sama kaniadto ang ihap sa kaso niini ilabi na karon nga miubos ang crime volume sa Davao City gikan January hangtod May 2024.
Sa karon, ipadayon sa DCPO ang pagbisita sa mga barangay aron manghangyo sa katawhan nga kung adunay mamatikdan, gilayong i-report ngadto sa kapulisan.
RadyoMaN Ivy Parido
Facebook Comments
