RAPE SA KAPITOLYO : Sekyu nga ginreklamo sang masahista sang paghimulos, ginapa-explain sang Provincial General Services Office.

Ginapa-explain karon ni Mr. Aaron Raymundo, head sang Provincial General Services Office ang Provincial guard nga si Rowen Ledesma angut sa reklamo sang 45-anyos nga masahista.
Luyag ni Raymundo nga magpaathag si Ledesma sa akusasyon nga ginhimuslan sini ang natungdan nga masahista sang Mayo 26 sa sulod mismo sang opisina ni Board member Bongbong Tupas sa kapitolyo probinsyal..
Magluwas diri, ginpasakaan naman sang kaso kriminal ang nasambit nga guwardiya.
Nahibaluan nga nagreklamo sa WCPD ang masahista nga gintawgan siya ni Ledesma nga magkadto sa kapitolyo bangud luyag sini magpamasahe, apang ginhimuslan siya sini.