Davao City – Dead on arrival karong buntag ang suspek sa pagpatay ug pagpanglugos sa 16 anyos nga dalagita sa Bago Gallera, Davao City niadtong Hunyo 22, 2018.
Sa inisyal nga pakighinabi sa DXDC RMN Davao kang Talomo PNP Chief of Police nga si PCI Ronald Lao, nangilog matud pa og pusil ang suspek nga si James Narte ngadto sa babayeng pulis sulod sa nasangpit nga istasyon hinungdan nga napusilan kini.
Matud pa nga adunay giproseso nga dokumento sa iyaha ug gipa-finger print kini sa pulis apan didto na kuno nangilog og pusil ang suspek.
Kahinumduman nga gitudlong suspek si Narte sa paglugos-patay sa 16 anyos nga dalagita sa Bago Gallera ug aduna usab laing duha pa ka biktima ang mipatim-aw sa Talomo PNP tungod matud pa gipanglugos sa suspek.
RadyoMaN Renz Barbarona
