Davao City – Arestado sa Criminal Investigation and Detection Group 11 (CIDG-XI) nga naka base sa Digos City, Davao del Sur ang suspek nga wanted sa kasong pagpanglugos.
Gilusad sa mga elemento sa CIDG Digos City ang ‘Oplan Pagtugis’ nga gipanguluhan ni Police Chief Inspector Sonza nga miresulta sa pagkasikop sa suspek nga mao si Jhon Mark Teh Nabat, 23 anyos, ulitawo, nagpuyo sa Sitio Culo Barangay Poblacion Malita, Davao Occidental, alas 6:30 sa kagabhion.
Ang mga otoridad nagbitbit sa orden de aresto nga gipagawas ni Honorable Judge Carmelita Sarno Davin sa Regional Trial Court, 11th Judicial Region, Branch 19, Digos City ug gi-serve batok sa suspek sa Purok 3, Barangay San Isidro, Malalag, Davao del Sur.
Ang korte walay girekomendar nga pyansa alang sa temporaryong kagawasan sa dinakpan.
RadyoMaN Erin Lumosbog
