Davao City – Dili makatuo sa akusasyong rape ug child abuse ang mga kaubang membro sa Saksi ni Jehova kansang suspetsado sa paglugos sa 10 anyos nga menor de edad membro sa maong simbahan.
Sumala sa ubang membro nga dili magpaila, dili kuno kini mahimo sa suspek nga si Frank ang krimen tungod kay gawas nga luya na kini tungod sa deperensya sa kasing kasing hilabihan usab kuno ka maayong tawo sa suspetsado.
Matud pa nga ang suspek mapinanggaon sa mga bata busa layo ra sa kamatuoran ang akusasyon sa menor de edad nga biktima.
Dugay na usab kuno nga membro ang suspek ug matinud anon usab kining mipa ilalom sa fulltime ministry sa Jehova’s Witnesses.
Ang suspek nga 72 anyos nagpuyo sa Ecoland gipasakaan og kasong rape ug child abuse sa piskaliyasa sa Talomo PNP WCD.
Sa dihang gikuhaan sa iyang side ang suspek nagdumili kini sa pagluwat ug pamahayag sa kasong iyang giatubang.
RadyoMaN Erin Lumosbog
