Rape suspect nga milugos sa anak nangilog og pusil, napusilan-patay

83

Davao City – Posibleng naratol human nahibal-an sa usa ka suspek, 30 anyos, ang mga posibleng sentensya nga atubangon niini rason nga nangilog kini og pusil sa pulis nahitabo sa Talomo Police Station dinhi sa Davao City alas 8:55 sa buntag.

Sa report sa Talomo PNP, buot untang imbestigahan ngadto sa general investigation section aron usab kini i-inquest apan sa ganghaan sa Talomo Police Station giingong kalit kini nangilog og police nga nag escort kaniya ug didto kini narespondehan sa kapulisan ug napusilan.


Sumala ni Police Major Sean Logronio, Talomo PNP COP nga nangutana pa kuno ang suspek nga unsa kuno ang posibleng mahitabo kaniya human sa inquest proceeding ug naratol ang suspek sa tubag nga makulong kini sa hangtod sa kamatayon.

Matud pa, posible nga nahadlok ang suspek ug nanabla na lang kini.

Gidala pa sa ospital ang suspek apan gideklara na kining patay.

Wala ginganlan ang suspek alang sa proteksyon sa anak diin misumbong ang 12 anyos nga bata niini nga gilugos kini sa suspek, iyang kaugalingong amahan.




RadyoMaN Paul Canono

Facebook Comments