RASON KON HAM-AN GINAPATIGAYON RO COMMUNITY QUARANTINE GING PAGUWA IT PHO-AKLAN

Kalibo, Aklan – Para mas maintindihan it Aklanon kon ham-an ginapatigayon ro Community Quarantine
nag paguwa it video ro Provincial Health Office PHO-Aklan.
Santo sa video kinahangean rikara ro kooperasyon it kada isaea, bangud ro pagtinir sa sueod it baeay
hay sangka pinaka simple ag pinaka epektibong pamaagi para malikawan ro pagkalat it virus.
Makita pa gid sa video, nga kon ikaw healthy ag gumwa ka it baeay ag nakapaeapit ka sa tawo nga
infected it Corona Virus Disease o COVID-19, likom sa imong paghisayod hapasahan ka eon it virus.
Dapat tandaan suno sa PHO-Aklan nga madali ka nga hitapnan pero malisod masayran ro tawo nga may
infection it nasambit nga virus.
Ging pahayag pa gid it PHO-Aklan nga pag uli sa inyong baeay, pwedeng mong maipasa ro virus sa iba
pang miyembro it pamilya bago pa gumwa ro mga sintomas kara, kapin pa ro mga magueang nga
miyebro’t imong pamilya nga may sakit sa puso, high blood, diabetes, nabdos bangud sanda raya ro
may mahina nga panguntra sa COVID-19
Kinahangean naton suno sa PHO-Aklan nga magkooperar sa community quarantine para indi hitapnan,
bangud owa naton nakilaea kon sin-o ro mgaCOVID-19 infected person nga sarang makapatapon…