Davao City – Posibleng adunay nagkaingin, naglabay og upos sa sigarilyo o intensyonal ang gituohang nahitabong forest fire sa Upper 6, Tamayong Calinan, Davao City niadtong miaging adlaw.
Kini ang gisaysay ni SFO2 Ramil Gillado, Deputy Chief of Investigation and Intelligence Section sa Davao City Fire District atol sa pakighinabi sa DXDC RMN Davao diin ilang ginaimbestigahan karon ang mga impormasyong nakuha nila sa mga witnesses nga adunay napulo ngadto sa dose ka mga tawo ang anaa sa area ayha mahitabo ang sunog.
Giklaro usab ni Gillado nga anaa sa kapin kun kulang lima ka ektarya nga luna ang nasunog.
Sa karon, nakigkoordinar na ang Bureau of Fire Protection kun BFP XI ngadto sa PNP aron masuta og nag unsa kadtong mga tawong nakita sa mga witnessess nga anaa sa nasangpit nga area.
Kahinumduman nga nagsugod ang sunog bandang alas-10:30 sa buntag ug gideklarang fire out alas-12:30 na sa kadlawon kagahapon diin gibana-banaang anaa sa 200,000 pesos ang damyos tungod sa pagkaugdaw sa mga tanom ug mga pine trees.
RadyoMaN Renz Barbarona
