Davao City – Electrical short circuit ang gilantaw nga hinungdan sa sunog sa usa ka computer shop sa may dalang Juan Luna ning dakbayan adlawng Huwebes sa hapon.
Gikumpirma kini ni FO2 Jarrisiah Pizarras, ang imbestigador sa Bangoy Fire Station.
Matud ni Pizarras nagsumikad kini sa usa mga computer units sulod sa maong internetan.
Gitin-aw niini nga walay pagbusikad nga natigayon subay sa nahisgutang fire incident.
Sa imbestigasyon, duha sa kapin 200 ka mga computer units ang gideklarang totally damage, samtang ang uban nangabasa usab atol sa pagpalong sa mga bombero sa kalayo.
Hinuon walay natalang samdan ug anaa P30,000 ang inisyal nga damyos atol sa maong sunog.
RadyoMaN Aimee Guinita
Facebook Comments
