Sa gihimong open forum, pipila sa mga Barangay Officials ug tribal leaders nagpadayag sa ilang kabalaka samtang gituki ang tinuod nga rason nganong gipamatay ang mga Datu sa distrito sa Marilog.
Gitumbok sa pipila ka opisyales sa Barangay ug mga Datu, ang mas lalom pang hinungdan ug nasuta nga may kalambigitan sa away sa yutang kabilin.
Dunay pipila sa mga tribal leaders ang namaligya og yuta, bisan og adunay tag-iya na niini ug pagpangilog sa yuta gikan sa mga migrante nga mitipon na sa ilang kumonidad.
Sulod sa 12 na ka tuig, kapin napulo na ka mga lumad ang gipatay ug ang ulahi sa miaging bulan mga Kagawad sa Barangay Baganihan.
Busa gitinguha ni DCPO City Director PCOL. Alberto Lupas nga makapahigayon og laing hugna sa forum ug Ccnsultation, aron padayong mahisgutan ang suliran aron adunay mamugna nga solusyon ang tribo sa problema sa ingon wala nay kinabuhi pang makalas sa Marilog District, Davao City.
RadyoMaN Joel Viray
