Davao City – Giklaro karon sa Bureau of Fire Protection (BFP) nga nag overheat nga ceiling fan ang hinungdan sa dakong sunog sa Purok 2, Bryco Compound, Brgy. 5-A, Davao City niadtong Enero 15, 2020.
Sa interbyu sa DXDC RMN Davao Fire Inspector Shaira Borja, spokesperson sa Davao City Fire District, gibutyag niini nga gisaysay ni Anastacio, anak sa tag-iya sa balay nga si Annie Balaga nga ang nag overheat nga ceiling fan ang hinungdan sa sunog diin nakit-an na lamang niining nagsiga na ang kesame sa ilang balay ayha mikatag ang kalayo.
“Naay tendency nga yong ceiling fan nag overheat tapus nalanay siya, so nagbagsak sa floor mao na pud tong nag cause nga nasunog na pud tong sa baba ug sa ceiling,” saysay ni Borja.
Samtang, giklaro ni Borja nga ang P630,000 nga estimated damage sa BFP nagsubay sa ilang standard computation sa structure sa mga balay diin lahi usab ang posibleng resulta sa assessment sa City Social Services Development Office (CSSDO) diin gi-apil na niini ang personal belongings sa nahisgutan.
RadyoMaN Kirby Manzon
