Sumala sa official statement sa NCCC sa ilahang official page.
Sa inisyal nga report sa Sta. Ana Police Station, alas-9:00 sa gabie niulbo ang sunog.
Nagsumikad ang sunog sa Fresh Area Department sa NCCC Supermarket.
Matud sa security guard ug mga supervisors nga naka-duty namatikdan nila nga adunay aso nga naggikan sa freezer sa maong area.
Daling niresponde ang Central 911, Central Fire Station sa Bureau of Fire Protection 11 ug mga fire volunteers.
Pasado alas-10 sa gabie nakontrola ang sunog ug alas-10:17 sa gabie nagdeklara og fireout ang BFP 11.
Nagpadayon pa ang imbestigasyon sa pagsuta sa hinungdan ug damyos sa sunog sa nasangpit nga establisyemento.
Hugot usab nga nagbantay ang kapulisan sa Sta Ana aron walay makasulod nga looters.
RadyoMaN Aimee Guinita
