Davao City – Gihatagan sa Brgy. Tibungco og rasyon gikan sa pondo mismo sa barangay ang mga residenteng wala nalakip sa listahan sa rasyon sa City Government of Davao.
Sa pakighinabi sa DXDC RMN Davao kang Kapitan, Merjade Calvo, barangay kapitan sa Tibungco, gipasabot niini og nganong wala nahatagan ang ubang residente nga nasulod sa parameters nga dapat makadawat og rasyon gikan sa gobyerno.
“Naa pay daghang kasilinganan nga wa pa naapil sa rasyon kay by that time nga nag identify ta sa beneficiaries for the City, ang uban naa pay trabaho. Here comes sa Enhanced Community Quarantine nga naay mga company nga nag lockdown, nag stop operation, mao pud to sila ang atong gi-providan sa pondo gikan sa barangay tong mga wala na accomodate sa rasyon gikan sa syudad,” segun ni Kapitan Calvo.
Samtang duha ka klase nga rasyon ang ginaplastar karon sa Brgy. Tibungco ning syudad sa Davao, ang rasyon gikan sa lokal nga gobyerno sa davao diin ang 2nd round magsugod karong adlawng Lunes ug ang rasyon gikan sa brgy. Tibungco diin ang pondo naggikan sa ilang Quick Response Fund.
RadyoMaN Renz Barbarona
