Gibisita ni PRO9 Regional Director PC/SUPT BILLY B. BELTRAN ang lungsod sa Sibuco sakop ning atong probinsya sa Zamboanga del norte.
Ang maong lungsod mao ang grabeng gikuso-kuso pag ayo ni Tropical Storm Vinta nga mikutlo sa ubay-ubay nga kinabuhi sa mga residente niadtong higayona lakip nausab nga naapektuhan ang ilang panginabuhian.
Gibutyag pa ni Information Officer PC/INSP HELEN L. GALVEZ nga si Regional Director Beltran nag supervised kini sa gipahigayong Medical Mission ug feeding Program ngadto sa 785 ka mga apektadong pamilya nga natanggong sa evacuation center sa lungsod sa Sibuco.
Nangulo usab si RD. Beltran sa pagpanghatag sa mga bag-o ug mga ginamit nga sanina, groceries, ug uban pang mga donasyon gikan sa mga personahe sa PRO9 nga para lamang sa mga biktima sa bagyong Vinta.
Sa tala sa Regional Disaster Risk Reduction and management Council 9, ang lungsod sa Sibuco ang adunay pinaka taas nga casualties, 14 ang patay, 58 ang angol, ug 25 ang padayon pang ginapangita sa pagkakaron.
