Walay pu-as ang goberno sa paningkamot nga masulbad ang problema sa insurhensya sa nasud.
Dinhi sa rehiyon sa Caraga gi-presentar ni P/BGen. Joselito Esquivel, Jr regional director sa Police Regional Office 13 ang bag-ong ‘approach’ sa pagsulbad sa problema ang gitawag ug “Home Defense Village”.
Gipasabot sa opisyal nga ang inisyatibo sa home defense village nagpasabot nga ‘village within a village’ kung diin makig-alayon ang PNP ngadto sa Department of Environment and Natural Resources (DENR) aron matagaan ug 7 ektaryang yuta ang pamilya sa usa ka sakop sa rebelding New Peoples’ Army (NPA) sa higayon nga mosurender kini sa mga otoridad.
Pinaagi niini, adunay magamit ang usa ka kanhi rebeldi sa iyang pag-uma sama sa pagtanom ug falcata ug rubber tree aron mamahimung tinubdan sa panginabuhi ug dili na makahukom pa nga mobalik sa pagpas-an ug armas. Nigawas ang bag-ong approach sa kapulisan human giangkon ni P/BGen. Esquivel nga walay sustainability ang pagsurender sa mga sakop sa NPA sanglit namonitor nga human sa tulo ka tuig mosaka pagbalik sa bukid ang NPA.
Si P/BGen. Joselito Esquivel, Jr sa iyang mensahe atol sa gihimung Media Fellowship Night.
Malaumon ang opisyal nga molampos ang bag-ong approach nga ilang gipatuman karon.
LOOK: Press Freedom Message of General Joselito Esquivel, Jr. [image: gen esqui.jpg]
