Ginpatuman sang pamunuan sang Department of Education ukon Dep. Ed. 12 ang re-assignment sa hanay sang mga schools division superintendent sa rehiyon nga nangin epektibo kahapon nga adlaw Enero 2, 2020.
Suno kay Dep. Ed. 12 Regional Director Dr. Allan Farnazo ang nasambit nga tikang ang normal lamang kag sang Oktubre 2019 pa kuntani ipatuman ugaling lang wala nadayon tungod sa magkasunod nga insidente sang linog.
Ginpaklaro man ni Dr. Farnazo nga ang wala lang gintandog sa reshuffling ang Cotabato City tungod sa preparasyon sini sa transition nga masakop na sang BARRM.
Sa subong ang Schools Division Supt. sang South Cotabato amo si Supt. Ruth Estacio tal-ong kay Sir Isagani dela Cruz nga naasign sa North Cotabato, sa Koronadal City si Supt. Crispin Soliven tal-os kay Supt. Gildo Mosqueda nga naasign na Saranggani, sa Gensan si Supt. Romel Flores, sa Sultan Kudarat ang bag-o nga Supt. si Sir Leonardo Balala, sa Kidapawan City si Sir Omar Obas kag sa Tacurong ang bag-o nga Schools Division Supt si Sir Miguel Fillalan Jr.
May-angot sini, nagalaum siya nga sa bag-o nga assignment sang mga schools division supt. magatrabaho ang mga ini upod ang mga local government unit, school leaders kag iban pa.
