Re-training sa Caloocan City PNP, normal nga proseso

21

Davao City- Normal lang adunay balasa ug pagbansay pag-usab sa hanay sa kapulisan sa ingon dili matugkan og taya ang ilang utok sa mga pagtulun-an nga ilang nakat-unan gikan sa unang training nga ilang naagian.

Ang kamandoan sa PNP Headquarters nga ipaubos sa subling pagbansay ang Caloocan City PNP usa lang ka normal nga proseso sa pagtambal sa sakit nga Alzheimer sa mga pulis nga wala nakasunod sa polisiya sa nasudnong kapulisan.

Mao nga nagtoo si Sasa PNP Chief of Police Senior Inspector Noel Villahermosa nga miagi sa makuti nga pagtoon una naghukom ang National Headquarters nga ipa-re-training ang mga pulis sa Caloocan City.

Aron masiguro nga adunay mahitabong ka-usaban sa kinabuhi sa mga pulis sa Caloocan angay silang sil-silan sa kahibalo sa espirtwal nga aspeto gawas nga subli silang hasaon sa ilang mga trabaho.

Kung himoong kabahin sa re-training ang espiritwal dakong kahimoan kini sa kausaban sa pulis gikan sa pagbinuang sa serbisyo, samtang ang tarong mas mahimo pa gyod nga kasaligan sa publiko isip awtoridad.

Gipasabot ni Villahermosa nga ang dismissal gikan sa serbisyo ang pinakabug-at nga silot batok sa mga pulis nga guilty sa usa ka bug-at nga krimen samtang aktibo sa serbisyo.

Ang tanang pulis nga makakumitar og salaod moagi sa sakto nga proseso sama sa pagsang-at og kasong administratibo ug kun guilty matanggal gayod sa serbisyo depende sa gibug-aton sa sala.

Apan uyon kaayo si Villahermosa nga ma-dismissed ang mga pulis nga adunay kabuang sa trabaho sa ingon mapugngan ang pagkanat sa virus sa eskalawag sa ubang mga awtoridad.

Kasamang Joel Viray

Facebook Comments