GENERAL SANTOS CITY – PATAY ANG USA KA 63 ANYOS NGA REAL PROPERTY BROKER HUMAN GIPUSIL SA WALA PA MAILHING MGA SUSPEKS SA ROSAL STREET, MORALES SUBDIVISION, BRGY. CITY HEIGHTS NING SIYUDAD KAGANIHANG ALAS-6:50 SA BUNTAG.
SA PAUNANG IMBESTIGASYON SA SAN ISIDRO POLICE STATION, GIILA ANG BIKTIMA NGA SI EVELYN TE, GIKATAHO NGA TAG-IYA SA REAL ESTATE FIRM NGA GENSAN PREMIER PROPERTIES AND DEVELOPMENT CORPORATION.
SUBAY SA IMPORMASYON, DIHANG PAGAWAS NA SA SALVANI STREET SA MAONG BARANGAY SAKAY SA PUTI NGA TOYOTA HI-ACE VAN ANG BIKTIMA SA DIHANG KALIT MIKANAOG ANG MGA ARMADONG SUSPEK GIKAN SA NAG-ATANG NGA KULAY PUTI NGA PICK UP NAKABABAG SA DALAN.
PWERSAHANG GI-ABLEHAN SA MGA SUSPEK ANG SAKYANAN OG GIPANGTIUNAN ANG MGA SAKAY SA VAN LAKIP NA ANG DRAYBER OG BODY GUARD NIINI.
DIDTO NA GIPUSIL ANG BIKTIMA SULOD SA SAKYANAN IGO SA IYANG ULO APAN NADALA PA SA BALAY-TAMBALANAN ANG BIKTIMA, OG WAY SWERTE GUMIKAN GIDEKLARA KINING DEAD ON ARRIVAL SA ATTENDING PHYSICIAN.
NAREKOBER SA IMBESTIGADOR DIDTO SA CRIME SCENE ANG DUHA KA BASYO SA 5.56 MM NGA BASYO SA BALA NGA GITUOHANG ASSAULT RIFLE GIGAMIT SA MGA SUSPEK SA PAGPUSIL SA BIKTIMA.
DUGANG SAYSAY SA MGA TESTIGO SA KRIMEN UNOM KA MGA ARMADONG LALAKE ANG PUGSANONG NANGABRE SA VAN NGA PAREHONG NAKASUOT OG BULLET PROOF VEST SAMTANG NAKATABON ANG MGA NAWONG.
PADAYON PA ANG GINAHIMONG IMBESTIGASYON KARON SA MGA OTORIDAD SA MAONG INSIDENTE.
For more info’s and updates, like and share our official facebook account: www.facebook.com/ifm91.9Gensanofficial/
#TatakRMN #IFMAngIdolKongFM #RMNnetworks #ReachingMillionsNationwide #RMNFoundation
[image: 109766738_1165878907102956_5846475713359873833_n.jpg]
