Rebate o refund sa sobrang naibayad sa kuryente, tiniyak ng Meralco sa lahat ng consumer nito

Tiniyak ng Manila Electric Company (Meralco) na tatanggap ng rebate o refund ang mga consumer na may sobrang naibayad sa kanilang bills matapos hindi makapag-reading ang Meralco nitong Marso at Abril.

Ayon kay Energy Regulatory Commission Chairperson Agnes Devanadera, kasunod ito ng pagdagsa ng reklamo ng mga consumer dahil sa malaki nilang bayarin.

Hindi rin kasi sila nakapag-reading ng Marso at Abril kaya ibinase nila ito sa average consumption ng consumers sa nagdaang mga buwan.